Alvares: Rıngte Golovkınnen bir qadam alda bolamyn
16:23, 13 Qyrkúıek 2017
ASTANA. QazAqparat - Meksıkalyq Saýl Alvares Las-Vegasqa Gennadıı Golovkınmen judyryq túıistirý úshin resmı túrde kelgen betinde 16 qyrkúıek kúni qarsylasynyń árbir qımylyn oqyp otyratynyn aıtty, dep habarlaıdy Sports.kz.
«Golovkınniń myqty boksshy ekenin bilemin, ol meniń kásibı mansabymdaǵy eń qaýipti qarsylas, biraq men oǵan daıynmyn. Biz buǵan daıyndaldyq, sondaı-aq fanattarǵa tartymdy jekpe-jek syılaýǵa ázirmiz», - dedi Alvares.
Alvarestiń sózine qaraǵanda, ol tolqyp júr, biraq jekpe-jekti taǵatsyzdana kútýde.
«Men qashanda lagerdegi jattyǵýlarǵa barymdy salamyn, rıngte Gennadııden bir qadam alda bolý úshin qoldan kelgenniń bárin jasaımyn. Bizdiń senbidegi aıqasymyz boks tarıhyndaǵy eń iri kezdesýlerdiń biri bolatyny sózsiz», dep jazady Saýldyń sózin Boxingscene.com.