Alvares Golovkınmen aıqasy aldynda «jyrtqysh rejimin» qosýda

ASTANA. QazAqparat - BoxingHypeStore.com saıtynyń Tvıtterdegi mıkroblogy qazaqstandyq Gennadıı Golovkınge (37-0, 33 KO) qarsy jekpe-jekke daıyndalyp jatqan meksıkalyq boksshy Saýl Alvarestiń (49-1-1, 34 KO) jattyǵýynan vıdeoúzindi jarııalady.

«25 kún qaldy. „Kanelo" jyrtqysh rejiminde 16 qyrkúıek kúni ótetin Golovkınmen aıqasyna daıyndalýda», - dep jazylǵan ornalastyrylǵan vıdeo janynda.

Eske salaıyq, 16 qyrkúıekte Gennadıı Golovkın meksıkalyq boksshy Saýl Alvarespen judyryqtasady. Osy jekpe-jekte Alvares GGG-diń tek eki ataǵy - WBA men IBF belbeýleri úshin ǵana talasady. Golovkın utylyp qalsa, onyń taǵy eki belbeýi - WBC men IBO bos qalyp, ony basqa boksshylar ózara sarapqa salady. Al qazaqstandyq boksshy jeńiske jetse, tórt belbeýine taǵy The Ring jýrnalynyń arnaıy belbeýin qosyp alady. Atalǵan basylym ony arnaıy Alvares úshin shyǵarǵan bolatyn. Ýaqyt aıyrmashylyǵyna baılanysty Qazaqstanda jekpe-jektiń tikeleı kórsetilimi 17 qyrkúıekte tańerteń bolady.

VIDEO: 25 days out, Canelo Alvarez in Beast Mode for Golovkin fight Sept 16th #CaneloGGG 🇲🇽🇰🇿 pic.twitter.com/Wr1jF3qd9B

— BoxingHypeStore.com (@BoxingHype) 22 avgýsta 2017 g.