Alvares: Golovkın barlyǵy aıtyp júrgendeı sonshalyqty alpaýyt emes
«Golovkın myqty. Onyń kúshi meniń ózge qarsylastarymnyń kúshinen erekshe. Biraq ol bári aıtyp júrgendeı sonshalyqty alpaýyt emes. Men ony sezingenim joq. Ony nokaýtqa jibergim keldi, barlyǵyn osy jerde jáne tap qazir aıaqtaǵym keldi. Biraq aldymda erekshe qarsylas turdy. Golovkın - myqty ári tájirıbeli jaýynger, sondyqtan oılaǵanymdaı bolmady», - dep keltirdi Alvarestiń sózin Boxing Scene saıty.
Aıta keteıik, búgin AQSh-tyń Las-Vegas qalasynda ótken jekpe-jekte qazaqstandyq boksshy Gennadıı Golovkın men meksıkalyq Saýl Alvares teń tústi . Álemge tanymal boksshylar Golovkındi jeńdi dep esepteıdi . Kópshilik jurt 118-110 esebimen jeńisti "Kaneloǵa" berip qoıǵan tóreshi - Adelaıda Berdtiń sheshimine narazy .
Atalmysh aıqasta jeńimpaz anyqtalmaǵanymen, GGG barlyq belbeýlerin (WBA (Super), WBC, IBF jáne IBO tujyrymdary boıynsha) saqtap qaldy. Qazaqstandyq boksshy revansh ótkizýge daıyn ekenin jetkizdi.