«Ál-Farabı» ken ornynda barlaý jumystary júrgiziledi

NUR-SULTAN. QazAqparat – QR Energetıka mınıstri Nurlan Noǵaev «Lýkoıl» JAQ prezıdenti Vagıt Alekperovpen kezdesti, dep habarlaıdy QazAqparat tilshisi.

QR EM baspasóz qyzmetiniń málimetinshe, kezdesý barysynda QR Energetıka mınıstri Nurlan Noǵaev pen «QazMunaıGaz» UK» AQ Basqarma tóraǵasy Alık Aıdarbaev «Lýkoıl» JAQ prezıdenti Vagıt Alekperovpen jer qoınaýyn paıdalaný salasyndaǵy birlesken jobalardy damytý jáne «Ál-Farabı» jobasy boıynsha ózara is-qımyl perspektıvalaryn talqylady.

«Kezdesý qorytyndysy boıynsha «Ál-Farabı» teńiz ýchaskesin birlesken ıgerý aıasynda tikeleı kelissózder hattamasyna qol qoıyldy. Kelesi kezeńde tartylǵan strategııalyq seriktes - «Lýkoıl» JAQ pen «QazMunaıGaz» UK» AQ arasynda jer qoınaýyn paıdalanýǵa arnalǵan kelisimshartqa qol qoıý kózdeledi», - delingen vedomstvo aqparatynda.