Ál-Farabı atyndaǵy QazUÝ jetekshi eýropalyq ýnıversıtetterdiń qataryna endi
Bul týraly QazAqparat ýnıversıtettiń baspasóz málimetterine silteme jasap habarlaıdy.
ARES halyqaralyq reıtıngin 2011 jyldan bastap Eýropalyq ǵylymı-ónerkásiptik palatasy júrgizedi. Bıylǵy jyly oǵan eýropalyq standarttarǵa qyzmeti sáıkes keletin TMD elderiniń 530-dan astam joǵary oqý orny qatysty. ARES nátıjelerin álemniń jetekshi reıtıngtik agenttikteri nazarǵa alady. QazUÝ reıtıngide qazaqstandyq joǵary oqý oryndary arasynda kóshbasshy bolyp qaldy. ARES-tiń «AA+» baǵasyna, sondaı-aq, Lomonosov atyndaǵy MMÝ bastaǵan Reseıdiń 10 jetekshi ýnıversıteti de ıe boldy.
Reıtıng joǵary oqý oryndaryn myna kórsetkishter boıynsha saralaıdy: ǵylymı-ınnovatsııalyq qyzmet, oqytý sapasy, tsıfrlandyrý deńgeıi, túlekterdiń suranysqa ıe bolýy, halyqaralyq taný, stýdentter men oqytýshylardyń akademııalyq utqyrlyǵy. Sonymen qatar, halyqaralyq reıtıngter men akademııalyq qoǵamdastyqtaǵy ýnıversıtettiń orny esepke alynady.
Aıta keter jaıt, zertteý ýnıversıtetine transformatsııalanýǵa baǵyt alǵan QazUÝ, jahandyq ǵylymı bilim berý keńistigindegi óziniń básekege qabilettiligin arttyryp, halyqaralyq reıtıngterde tabysty alǵa ilgerileýde. Jetekshi qazaqstandyq joǵary oqý orny álemniń úzdik ýnıversıtetteriniń qataryna enýdi kózdeıdi.