Ál-Farabı atyndaǵy QazUÝ Scopus Award-2018 syılyǵyna ıe boldy

ALMATY. QazAqparat - Ál-Farabı atyndaǵy QazUÝ Scopus halyqaralyq derekqorynda joǵary reıtıngilik jýrnaldarda jarııalanǵan maqalalar sany boıynsha Qazaqstanda kóshbasshy bolyp tanyldy, dep habarlaıdy QazAqparat.

Qazaqstanda tuńǵysh ret bolyp ótken Scopus Award-2018 syılyǵyn marapattaý rásiminde elimizdiń eń úzdik avtorlary men ǵylymı-zertteý uıymdary ǵylymdy damytýǵa qosqan úlesi úshin marapattaldy. Bul - ǵalymdar men ýnıversıtetterdi belsendi ǵylymı qyzmetke yntalandyrýǵa baǵyttalǵan «Elsevier» halyqaralyq kompanııasynyń bedeldi álemdik ǵylymı syılyǵy.

 Ál-Farabı atyndaǵy QazUÝ High Performance Award nomınatsııasy boıynsha marapatqa ıe boldy. Álemdegi eń iri ǵylymı derekter bazasy tarapynan tanylý kezdeısoq emes ekendigin aıta ketý kerek, qazaqstandyq avtorlardyń árqaısysynyń joǵary dárejeli ǵylymı jýrnaldardaǵy besinshi basylymy QazUÝ ǵalymdarynyń úlesi bolyp tabylady.

Budan basqa, ýnıversıtet ǵalymdary toǵyz nomınatsııanyń altaýy boıynsha marapattaldy.

Osylaısha, bıyl QazUÝ jetekshi halyqaralyq derekqorlar - Scopus jáne Web of Science ǵylymı jýrnaldaryndaǵy jarııalanymdar sany boıynsha Qazaqstannyń kóshbasshysy bolyp tanyldy. Bul jetistikter ýnıversıtettiń álemdik deńgeıdegi zertteý ýnıversıtetine aınalýy men ǵylymdy ınternatsıonaldandyrý saıasatynyń nátıjesi bolyp tabylady.