Ál-farabı atyndaǵy QazUÝ-da Sıan polıtehnıkalyq ýnıversıtetiniń fılıaly ashylady

SIANЬ. QazAqparat – Qazaqstan Respýblıkasynyń Prezıdenti Qasym-Jomart Toqaevtyń Qytaı Halyq Respýblıkasyna memlekettik sapary aıasynda birqatar qujatqa qol qoıyldy, dep habarlaıdy QazAqparat Aqordaǵa silteme jasap.

Olardyń arasynda Ál-Farabı atyndaǵy Qazaq ulttyq ýnıvesıteti (QazUÝ) men Sıan Soltústik-Batys polıtehnıkalyq ýnıversıteti (SSBPÝ) arasyndaǵy QazUÝ janynan SSBPÝ fılıalyn ashý týraly kelisim bar.

Budan bólek, Ál-Farabı atyndaǵy Qazaq ulttyq ýnıversıteti Qytaı munaı ýnıversıtetimen yntymaqtastyq ornatý týraly kelisim jasasty.

Sondaı-aq qazaqstandyq taǵy bir JOO – S.Seıfýllın atyndaǵy Qazaq agrotehnıkalyq ýnıversıteti Qytaı Soltústik-Batys aýyl jáne orman sharýashylyqtary ýnıversıtetimen yntymaqtastyq jóninde kelisti.

Aıta keteıik, búgin Memleket basshysy Q.Toqaev Qytaı Tóraǵasy Sı Tszınpınmen kelissóz barysynda: «QHR-da tehnıkalyq bilim sapasy joǵary ekenin eskere otyryp, Qazaqstanda Qytaıdyń iri joǵary oqý oryndarynyń biriniń fılıalyn ashýǵa múddeli ekenimizdi taǵy da atap ótkim keledi», - dep atap ótken bolatyn.

Qol qoıylǵan qujattar arasynda «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy vızalyq talaptardan ózara bosatý týraly kelisim» bar.