Ál-Farabı-1150 jyl: Tarazda halyqaralyq onlaı konferentsııa ótti

TARAZ. QazAqparat – Jambyl oblystyq bilim basqarmasynyń qoldaýymen shyǵys ǵalymy Ábý Nasyr Ál-Farabıdiń 1150 jyldyq mereıtoıyna arnalǵan «Álem órkenıetindegi Farabı fenomeni» taqyrybynda halyqaralyq onlaın konferentsııa ótti, - dep habarlaıdy QazAqparat.

Adamzattyń ekinshi ustazy, entsıklopedıst-ǵalym Ábý Nasyr ál-Farabıdiń rýhanı, ǵylymı murasyn nasıhattaý jáne onyń shyǵarmashylyq, ǵylymı murasyna halyqtyń jáne jurtshylyqtyń nazaryn aýdarý maqsatyna negizdelgen shara Taraz qalasyndaǵy Jambyl polıtehnıkalyq joǵarǵy kolledjinde uıymdastyryldy.

Onlaın konferentsııaǵa oblystyq bilim basqarmasynyń basshysy Gúlnar Hodjabergenova, M.H.Dýlatı atyndaǵy Taraz memlekettik ýnıversıtetiniń rektory Mahmetǵalı Sarybekov jáne Shymkent, Almaty, Atyraý qalalarynyń jáne Reseı, Efıopııa, Ózbekstan elderiniń joǵarǵy oqý oryndarynyń ókilderi qatysty.

Ǵylymı-praktıkalyq konferentsııa barysynda Ábý Nasyr ál-Farabıdiń ǵylymı traktattarynyń negizgi prıntsıpteri talqylanyp, onyń shyǵarmalaryn keńinen nasıhattaý barysy saralandy.

Aıta ketý kerek, 2019 jyldyń tamyz aıynda Memleket basshysy Qasym-Jomart Toqaev ál-Farabıdiń 1150 jyldyq mereıtoıyna daıyndalý jáne ótkizý jónindegi memlekettik komıssııa qurý týraly qaýlyǵa qol qoıǵan bolatyn.