Alfa bankti tonaǵandar sottaldy
Sýdıa Baqytjan Bákirbaev Ivan Jýkov pen Maksım Beskıshkın kishkentaı balalarynyń baryn eskere otyryp, árqaısysyn 7 jylǵa bas bostandyǵynan aıyrý týraly úkim shyǵardy.
«Kámeletke tolmaǵan balalaryńyz bar ári óz kinálaryńyzdy tolyǵymen moıyndap otyrsyzdar. Sol sebepti sizderdi jazanyń eń tómengi shegi 7 jylǵa bas bostandyǵyn aıyrý týraly úkim ettim. Sondaı-aq, Maksım Beskıshkınniń kóligi tárkilensin», - dedi B.Bákirbaev.
Olar jazasyn qaýipsizdik dárejesi orta deńgeıdegi qylmystyq júıe mekemesinde óteıtin bolady.
Aıta ketý kerek, 27 maýsymda «Araı» turǵyn úı keshininde ornalasqan Alfa bank ofısi tonalǵan bolatyn.
Tergeý materıaldaryna sáıkes, kúdiktilerdiń biri bank qoımasyna kirip, tapansha tárizdes zatpen qyzmetkerlerdi qorqytyp, 65 mln 300 myń teńgeni alyp shyǵyp ketken.
Keıinirek banktiń burynǵy qyzmetkeri men kúzetshisi kúdikti retinde qamaýǵa alyndy. Maksım Beskıshkın men Ivan Jýkovqa qatysty QR QK 192-baby boıynshy qylmystyq is qozǵaldy.