Altsgeımer aýrýyna qarsy jańa dári tıimdiligin kórsetti

ASTANA. QazAqparat – Jańa donanemab preparaty zerthanalyq synaqtan sátti ótti. Ol adamnyń kognıtıvti qyzmetiniń tómendeýin shamamen úshten birge baıaýlata alatynyn, ıaǵnı dementsııanyń keń taraǵan túri – Altsgeımer dertimen kúresa alatynyn dáleldedi, dep habarlaıdy QazAqparat VVS-ge silteme jasap.

JAMA basylymynda jarııalanǵan zertteý nátıjesi 18 aı ishinde álem boıynsha júrgizilgen synaqqa negizdeldi.

Volonterler qatarynda 80 jastaǵy brıtan azamaty Maık Kollı de boldy.

Aı saıyn London klınıkasynda oǵan jańa preparatty egedi jáne Maıktyń sózinshe, ol qazir «siz kezdestirgen eń baqytty adam».

Sonymen qatar ol VVS-ge bergen suhbatynda kúnnen kúnge ózine degen senimi artyp jatqanyn aıtty.

Brıtanııanyń dárilik zattardyń aınalymyn qadaǵalaıtyn mekemesi preparatty Ulttyq densaýlyq saqtaý júıesinde (NHS) paıdalaný múmkindigin qarastyryp jatyr.

Qańtarda amerıkalyq dári naryǵyn retteýshi (FDA) donanemabty jedel tirkeý týraly ótinishti qaýipsizdigine kúmándanyp maquldamady.

Degenmen endi zertteý júrgizgenin eskere otyryp, óndirýshi jyl sońyna deıin FDA maquldaıdy dep úmittenip otyr.

Dári aýrýdyń alǵashqy kezeńinde jáne tek Altsgeımer dertine qarsy kómektesetinin este saqtaǵan abzal.

Dementsııanyń basqa túrlerin emdemeıdi.