Áli altyn úshin kúresemin – Narıman Qurbanov

<p>ALMATY. KAZINFORM &ndash; Parıj Olımpıadasynyń kúmis júldegeri Narıman Qurbanov Almatyǵa ushyp keldi.</p>

Narıman Qurbanov bastaǵan olımpıadashylar Almatyǵa oraldy. Sportshylardy almatylyqtar ystyq yqylaspen qarsy aldy. Saltanatty rásim kezinde Olımpıadanyń kúmis júldegeri jarystan alǵan áserimen bólisti.

«Bári maǵan úmit artty, ózim júlde alatynyma sendim. Biraq qazirgi deıin munyń bári shynymen bolyp jatqanyna sene alar emespin. Jeńisimdi elime arnaımyn. Olardyń qoldaýyn sezinip jatyrmyn, kóp alǵys aldym. Qazir elimizde sporttyq gımnastıkaǵa jaqsy kóńil bólinip jatyr. Alynǵan medaldan keıin odan da jaqsy jaǵdaı jasalady dep oılaımyn», - dedi ol.

Sondaı-aq Olımpıadanyń kúmis júldegeri aldaǵy josparlarymen bólisti. 

Foto: Almaty ákimdigi

«Sheberligimniń shyńyna endi shyǵyp kele jatyrmyn. Meniń baǵytymdaǵy gımnast úshin sportta qalyp, altyn úshin kúresý durys bolady», - dedi Narıman Qurbanov.

Eske salaıyq, 3 tamyz kúni Narıman Qurbanov Parıj Olımpıadasynda sporttyq gımnastıkanyń at snarıadyndaǵy jattyǵýda kúmis júldege qol jetkizdi. 

Qurbanovtyń jeńisin jaqyndary erekshe emotsııamen tikeleı efırde tamashalady.