«Aqjol» partııasy shymkenttik balalarǵa qamqorlyq aktsııasyn ótkizdi

ShYMKENT. QazAqparat – «Aqjol» partııasynyń Shymkent fılıaly qaıyrymdylyq sharasyn ótkizdi. Jıynǵa kásipkerler men belsendi jastar qatysyp, qaladaǵy birqatar bilim ordasyndaǵy balalarmen júzdesti, dep habarlaıdy QazAqparat tilshisi.

Partııa músheleri shara barysynda turmys jaǵdaıy tómen otbasynan shyqqan balalarǵa mektep buıymdaryn tabys etti. Jıynda «Aqjol» partııasy Shymkent fılıaly tóraǵasynyń orynbasary Muhamed Qyryqbaev ustazdar men balalardy jańa oqý jylymen quttyqtap, aqjoltaı tilek bildirdi.

«Balalar – bizdiń bolashaǵymyz». Olardyń qýanyshyn bólisý úshin biz «Aqjol» partııasynan kelip otyrmyz. Balalar, mektepte jaqsy bilim alyp, úlken azamat bolyńyzdar. Bolashaqta Qazaqstanǵa qyzmet etetin, eńbekqor, otansúıgish, qaıyrymdy da qaısar azamat bolýlaryńdy tileımin», - dedi Muhamed Qyryqbaev.

Partııanyń shymkenttik fılıaly mundaı sharany elimizdegi qıyn kezeńge qaramastan jıi ótkizip keledi.

Buǵan deıin partııa músheleri indet kezinde áleýmettik jaǵdaıy tómen otbasylarǵa jáne múmkindigi shekteýli balalarǵa kómek kórsetken edi. Jańa oqý jylynda túrli syılyqtar tabystap, qýanyshqa bólegen bolatyn.

«Aqjoldyqtar» mundaı qaıyrymdylyq sharalaryn aldaǵy ýaqytta da ótkizip turamyz dep otyr.