Aqjelken men Oımasha: Aqtaýda eki shaǵynaýdannyń ataýy qazaqshalanady

AQTAÝ. QazAqparat - Mańǵystaýda Aqtaý qalasynyń Ómirzaq aýylyna qarasty Prımorskıı jáne Prıozernyı turǵyn úı massıvteriniń ataýy ózgeredi. Bul jańalyqty aýyl ákimi Bısenǵalı Kenjalıev turǵyndarmen kezdesýde jetkizdi, dep habarlaıdy QazAqparat tilshisi.

«Qazirgi tańda Prımorskıı ataýyn Aqjelken, Prıozernyı ataýyn Oımasha dep ózgertý boıynsha Mańǵystaý oblystyq onomastıkalyq komıssııanyń, qalalyq ókildi jáne atqarýshy organdardyń birlesken sheshimin jáne qalalyq qoǵamdyq keńestiń oń qorytyndysyn aldyq. Endigi kezekte ádilet organdarynda tirkeý jumystary júrgiziledi», - deıdi Bısenǵalı Kenjalıev.

Aıta keteıik, turǵyn úı massıvteriniń ataýyn ózgertý jaıly bastamany turǵyndardyń ózderi kóterip otyr.