Aqjarqyn Turlybaıdyń jaǵdaıy qalaı
QR Syrtqy ister mınıstrliginiń baspasóz xatshysy Aıbek Smadııarovtyń aıtýynsha, Aqjarqyn Turlybaı tergeý sharalaryna aryzdanbady. Túrmedegi jaǵdaıyna da shaǵymdanyp otyrǵan joq.
"Qazirgi kezde ol appelıatsııalyq sotty kútip otyr. Otyrystyń naqty ýaqyty áli belgisiz. Biz advokattarmen únemi baılanystamyz. Sol jaqtaǵy konsýldarymyz túrmege baryp, Aqjarqynnyń qal-jaǵdaıyn bilip turady. Onyń ózinde túrmedegi jaǵdaıǵa, tergeý sharalaryna qatysty aryz-shaǵymdar joq", - dedi A.Smadııarov Astanada ótken baspasóz máslıxatynda.
Eske sala keteıik, 21 jastaǵy qazaq qyzy Aqjarqyn Turlybaı 2014 jyldyń naýryz aıynda Qytaıdyń Malaızııamen shekarasynda esirtkimen ustalǵan bolatyn. Onyń júk sómkesinen 4,5 keli esirtki tabyldy, Aqjarqyn ol týraly bilmeıtinin málimdegen. Osy is boıynsha Qytaıdyń Gýanchjoý soty Aqjarqyn Turlybaıdy esirtki kontrabandasymen aıyptap, ómir boıyna bas bostandyǵynan aıyrdy. 2016 jyly 7 sáýirde apellıatsııalyq satydaǵy sot Aqjarqyn Turlybaıdy ómir boıyna bas bostandyǵynan aıyrý jazasyn ózgertý jáne isti birinshi satydaǵy sottyń qaraýyna jiberý týraly qaýly etken bolatyn.