«Aqyrtas» pen «Aısha bıbi» Álemdegi erekshe tartymdy nysandar tizimine endi
Bul týraly Túrkııanyń Antalıa qalasynda týrıstik tartymdylyq jáne týrızmdi joǵary deńgeıde turaqty damytý máseleleri boıynsha ótken halyqaralyq komıtettiń kezekti sessııasynda belgili boldy.
Aıta ketý kerek, atalmysh tizimge jańa nysandardy engizý boıynsha sheshim komıtettiń sessııasynda qabyldanady. Komıssııa quramynda álemniń seksen eliniń sarapshylary bar.
Aısha bıbi kesenesi men Aqyrtas saraı kesheni Jambyl oblystyq týrızm basqarmasy mamandarynyń tanystyrýynan keıin sarapshylardyń qoldaýymen «Álemdegi erekshe týrıstik tartymdy nysandar» tizimine endi. Nátıjesinde sol sanatty resmı naqtylaıtyn arnaıy sertıfıkat tapsyryldy.
Endi bul nysandardy kópshilikke áleýmettik jeli arqyly tanymal etý maqsatynda «WORLD LIST - TOURIST ATTRACTION» belgisin (logotıp) paıdalanýǵa ruqsat etiledi.
Ǵıbrat Sembaı