Aqyn qyz Elbasyna mahabbat jaıly óleń oqyp berdi
«Biz Táýelsizdik týdyrǵan esimdermiz. Alashtyń rýhy bolyp qaınaǵan qara qazannyń sýy sarqylǵan joq. Búginde men sııaqty qalam terbep júrgen jastar sol qasıetti sýdyń bir-bir móldir tapshysy. Shyǵarmashylyq jolyma kelsem, óleńderim álemniń birneshe tilderine aýdarylyp, sol elderdiń antologııalyq jyr-jınaqtarynda jaryq kórdi. Ózim de ózge tildegi óleńderdi qazaq tiline tárjimaladym», - dep atap ótti ol.
Jas aqyn shyǵarmashylyǵyndaǵy juldyzy jarqyraǵan sáti Elbasy qory uıymdastyrǵan «Altyn tobylǵy» respýblıkalyq baıqaýynda bas júldege ıe bolýy ekendigin aıtty. Tarıhı taqyrypta jazylǵan «Shoqan abyz» dastany joǵary baǵa alǵanyn atap ótti.
«Munyń barlyǵy ózińiz kóshin bastaǵan qazaq jurtynyń qasıetti Táýelsizdiginiń arqasy dep bilemin. Búgingideı adamzat balasynyń aqyl-oıy alamanǵa túsken zamandy bizdiń ádebıetimizdiń kórkeıip, kemeldenýi asa mańyzdy. Jan tazarmaı dúnıe tazarmaıdy. Adamdar bir-biriniń qadirine jetip, baǵalaı bilse, jaqsy kórip baqyt syılasa. Ómir degen osy bir adamı qundylyqtardan turady. Osy joba barysynda mınıstr bastaǵan top menen patrıottyq taqyrypta óleń oqýymdy ótingen edi. Biraq, men sol qaǵıdany buzǵym kelip tur. Ruqsat etseńiz mahabbat jaıly óleń oqyp bersem», - degen Maqpal «Alystama» dep atalatyn óleńin oqyp berdi.