Aqyly joldardan qansha qarajat túsedi

NUR-SULTAN. QazAqparat –Bıyl eldegi aqyly joldardan 25,6 mlrd teńge alym jınaý kózdelgen, dep habarlaıdy QazAqparat tilshisi.

Úkimet otyrysynda jol-kólik ınfraqurylymyn damytý baǵytynda atqarylyp jatqan jumystar týraly aqparat bergen Indýstrııa jáne ınfraqurylymdyq damý mınıstri Beıbit Atamqulov aqyly joldar máselesine toqtaldy.

«Rekonstrýktsııadan ótken avtojoldardy kútip-ustaý úshin aqyly joldar iske qosylýda. Ol shyǵyndardy tolyq jabýǵa jáne respýblıkalyq bıýdjetke túsetin júktemeni azaıtýǵa múmkindik beredi. Asqar Uzaqbaıuly, (Asqar Mamın, QR Úkimet basshysy – avt.) Sizdiń tapsyrmańyzǵa sáıkes, naýryz aıynda 5,8 myń shaqyrym jol aqy alý júıesi boıynsha paıdalanýǵa berildi. Jyl sońyna deıin 25,6 mlrd teńge alym jınalady dep josparlanǵan. Onyń 20 mlrd teńgesi aqyly ýchaskelerdi kútip ustaýǵa, 5,6 mlrd teńgesi ınvestıtsııalardy qaıtarýǵa baǵyttalady», - dedi vedomstvo basshysy.

Sondaı-aq, Beıbit Atamqulov 2024 jyldyń sońyna deıin 5,2 myń shaqyrym jolda rekonstrýktsııa jumystary aıaqtalǵannan keıin, aqyly júıe engiziletinin atap ótti.

Eske salsaq, osy Úkimet otyrysynda Indýstrııa jáne ınfraqurylymdyq damý mınıstri Beıbit Atamqulov jergilikti ákimdikterdi jol boıynda kórsetiletin qyzmet sapasyn arttyrýǵa shaqyrǵan bolatyn.

Vedomstvo jol qurylysy maýsymynda bıtým baǵasynyń ósýine jol bermeý máselesin pysyqtap jatyr.