Aqyly joldan túsken qarajat qaıda jumsalady
«Qarajat aqyly joldardy ustaýǵa ketedi. Jol - jyl boıy demalyssyz jumys isteıdi. Aqyly joldarǵa tólenetin aqsha qysta aqyly joldy tazartýǵa, qar jınaıtyn qurylymdardy ornatýǵa, qosymsha qaraýǵa jáne kúzetýge jumsalady. Kóktemde sý tasqyny baılanysty jumystarǵa, sý ótkizgishterdi tazartý jumystaryna jumsalady. Jaz mezgilinde jol belgilerin qoldaný, jol belgilerin aýystyrý, qoqystardy jınaý, demalys oryndaryn tazartý jáne basqa jumystarǵa jumsalady», - deıdi «QazAvtoJol» UQ» AQ Aqyly avtomobıl joldary dırektsııasy fılıalynyń dırektory Marat Súleımenov Instagram áleýmettik jelisindegi @kazautozhol paraqshasynyń tikeleı efırinde.
Ol balama joldarǵa qatysty suraqtarǵa da jaýap berdi.
«Joldar týraly» zańnyń 5-babyna sáıkes, kez kelgen qoldanystaǵy balamaly jolmen júrý múmkindigimen aqyly joldyń bastalý jáne aıaqtalý núkteleri kórsetilýi kerek. Osylaısha, Zańda balamaly jol bolmaǵan jaǵdaıda aqyly negizde joldy paıdalanýǵa shekteýler qarastyrylmaǵan. Alaıda qoldanystaǵy tórt aqyly ýchaskede balamaly joldar bar», - deıdi ol.