Aqylǵa qonymdy gaz tarıfi qubyrlardy jańartýǵa múmkindik beredi

NUR-SULTAN. QazAqparat – Gaz tarıfterin qymbattatý aqylǵa qonymdy, esepterge negizdelgen bolýy kerek. Bul pikirdi QR gaz salasynyń ardagerler keńesiniń tóraǵasy Pavel Klımov aıtty, dep habarlaıdy QazAqparat tilshisi.

Buǵan deıin QR Energetıka mınıstrligi gazdyń kóterme saýda baǵasy 15%-ǵa qymbattaýy múmkin ekenin habarlaǵan edi.

2019 jyldyń 1 qańtarynan bastap taýarlyq gazdyń shekti kóterme saýda baǵasy óńirge baılanysty 3,8-den 17,5%-ǵa deıin tómendetildi jáne osy ýaqytqa deıin kóterilgen joq.

«Qazirgi ýaqytta sonaý 60-shy jyldary salynǵan magıstraldik gaz qubyrlarynyń negizgi bóligi 19 000 shaqyrymdy quraıdy. Olar óziniń merzimin ótedi. Qazir zertteýmen aınalysyp, aqaýlaryn izdeý kerek. Kompressorlyq stantsııalar da jóndeýdi jáne qaıta qurýdy, kóp jaǵdaıda tolyq aýystyrýdy qajet etedi. Munyń barlyǵyna úlken qarajat qajet, óıtkeni qazir gazdyń sýbsıdııalanýyna baılanysty qaıta qurýmen aınalysý múmkin emes», - deıdi P. Klımov.

Sala ardageriniń aıtýynsha, tarıftiń ósýin bir nusqa retinde qarastyrýǵa bolady.

«Ol barlyq esepteýlermen aqylǵa qonymdy, negizdelgen bolýy kerek jáne ony kóterý qajet. Tek osylaı ǵana biz gaz qubyrlaryn jóndeı alamyz. Orynbor oblysy men Ózbekstandaǵy apat búginde gaz qubyrlarynyń jaǵdaıy nashar ekenin jáne jedel jóndeýdi qajet etetinin kórsetti», - deıdi Pavel Klımov.