Aqtútek boranda bosanǵan júkti áıelge járdemdesken feldsher marapattaldy

<p>ASTANA. KAZINFORM &ndash; Búgin Astanada Qostanaı oblystyq jedel járdem stantsııasynyń Arqalyq kishi stantsııasynyń feldsheri Madına Ahmetjanova boranda bosanǵan áıeldi qutqarý kezinde kórsetken qaısarlyǵy úshin joǵary marapatqa ıe boldy.</p>

Ol Densaýlyq saqtaý mınıstrliginiń «Qurmet» qurmet gramotasymen jáne QR Jedel medıtsınalyq járdem qaýymdastyǵynyń «Úzdik qyzmetker» tósbelgisimen marapattaldy. 

Aqpan aıynda birneshe kún boıy Qostanaı oblysynda qatty boran boldy. Qalyń qarǵa baılanysty dárigerler men feldsherler keıbir meken-jaılarǵa jaıaý barýǵa májbúr boldy. Ásirese aýyldarda jumys isteý qıyn boldy.

— Borandy» úsh táýlikte 103 qyzmetine 3819 ótinish kelip tústi. Jedel járdem brıgadalary 2676 ret shaqyrtýlarǵa shyqty. Joldyń nashar kórinýine jáne qar alyp qalýyna qaramastan 678 patsıent statsıonarlarǵa jetkizildi. Ásirese aýyldarda qıyn boldy. 9 aqpanda júkti áıeldi Severnyı kentinen Arqalyq perzenthanasyna tasymaldaý úshin Madına Ahmetjanova seriktesi Aıdana Naýryzbaımen birge qalyń qarǵa qaramastan dittegen jerge bardy. Sonymen, olar patsıentti tekserý úshin trassadan shaqyrtý túsken meken-jaıǵa deıin júrdi. TJ-nyń arnaıy kóligimen qutqarýshylar feldsherler men patsıentti trassadaǵy qaýipsiz jerge aparyp, reanımobılge aýystyrdy. «Allanyń qalaýymen jáne jedel járdemniń arqasynda men qyzymdy dúnıege ákeldim jáne ózim tiri qaldym, — dep lebizin bildirdi aman-esen bosanǵan patsıent Gúlnaz Ryskeldına.

Eske sala keteıik, buǵan deıin SQO-da sońǵy úsh aıda 40 myńǵa jýyq adam JRVI-men aýyrǵanyn jazǵan edik.