Aktrısa Skarlett Iohansson OpenAI-dy óz daýysyna uqsas daýysty qoldandy dep aıyptady

<p>ASTANA. KAZINFORM &ndash; Dúısenbide Skarlett Iohansson OpenAI kompanııasyn chat-botty dybystaýdan bas tartqannan keıin ChatGPT úshin ózine &laquo;óte uqsas&raquo; daýys jasady dep aıyptady, dep habarlaıdy <a href="https://www.reuters.com/technology/scarlett-johansson-says-openai-chatbot-voice-eerily-similar-hers-2024-05-21/" target="_blank" rel="noopener">Reuters</a>.</p>

Iohansson óz málimdemesinde OpenAI bas dırektory Sem Altman oǵan ótken qyrkúıekte ChatGPT-ny dybystaý usynysymen júgingenin, ol odan bas tartqanyn aıtty.

«Toǵyz aıdan keıin dostarym, otbasym jáne jurtshylyq Sky dep atalatyn jańa daýystyń maǵan qanshalyqty uqsas ekenin baıqady. Men demonusqanyń shyǵarylǵanyn estigende, qatty tańqaldym, ashýlandym jáne Altman myrzanyń maǵan qatty uqsaıtyn daýysty tańdaǵanyna sene almadym, meniń jaqyn dostarym men jańalyqtar agenttikteri daýystar aıyrmashylyǵyn tipti ajyrata almady», - dedi ol.

Iohansson Altmannyń 2013 jyly aktrısa JI kómekshisimen qarym-qatynasyn damytatyn «Ol» fılmine silteme jasaıtyn tvıti arqyly «uqsastyqty rastaǵanyn» jetkizdi.

Sem Altman Reuters-ke jazǵan elektrondy hatynda Sky daýysy Iohanssonǵa elikteý emes jáne basqa kásibı aktrısaǵa tıesili ekenin aıtty.

«Sky daýysy Skarlett Iohanssondiki emes jáne eshqashan oǵan elikteýge arnalmaǵan. Biz Iohansson hanymmen sóılespeı turyp, Sky úshin daýys aktrısasyn tańdadyq. Iohanssonǵa qurmetten biz óz ónimderimizde Sky daýysyn paıdalanýdy toqtattyq», - dedi Altman.

Aktrısa daýysty jasaý protsesin zertteý úshin zańger jaldaǵanyn aıtty.