Reseılik aktrısa Anastasııa Zavorotnıýk qaıtys boldy

<p>ASTANA. KAZINFORM — Reseılik kıno jáne teatr aktrısasy, telejúrgizýshi Anastasııa Zavorotnıýk 53 jasynda ómirden ótti. Bul jaıynda ártistiń jaqyndary onyń áleýmettik jelidegi paraqshasynda habarlady. </p>

«Qurmetti dostar! Bul jaǵdaıdy túsiný jáne durys sóz tabýdyń ózi óte qıyn. Búgin túnde uzaqqa sozylǵan aýyr naýqastan bizdiń Nastıanyń ómiri úzildi. Oǵan shyn júrekten jaqsylyq tilep, saýyǵyp ketýine tilektes bolǵan, jyly sózin aıamaǵan árqaısyńyzǵa alǵysymyz sheksiz. Nastıa sizderdiń qoldaýyńyzdy árqashan sezinip, baǵalaı bildi. Qoshtasý orny men ýaqytyn keshke habarlaımyz» delingen aktrısanyń Instagram paraqshasynda.

Anastasııa Zavorotnıýk 1971 jyly 3 sáýirde Astrahan qalasynda dúnıege kelgen.  

2019 jyldan beri kınoǵa túsýdi toqtatyp, mı isigimen (glıoblastoma) kúresti. 

Qazaqstandyq kórermenge «Meniń súıikti kútýshim» serıaly arqyly keńinen tanylǵan.