Aqtoty Raıymqulova Túrkistan oblysyndaǵy mádenıet salasynyń úzdikterin marapattady

TÚRKІSTAN. QazAqparat – Túrkistan oblysyna elimizdiń Mádenıet jáne sport mınıstri Aqtoty Raıymqulova kelip, mádenıet salasynyń mamandaryn kásibı merekesimen quttyqtady.

Aımaq boıynsha mádenıet salasynyń damýyna eleýli úles qosyp júrgen maıtalmandarǵa mınıstrliktiń marapatyn tabystady, dep habarlaıdy QazAqparat tilshisi.

Atalmysh is-sharaǵa oblys ákiminiń orynbasary Sáken Qalqamanov pen oblystyq mádenıet basqarmasy basshysynyń mindetin atqarýshy Ázimhan Serikuly jáne mádenıet qyzmetkerleri qatysty.

Jıynda oblystyq mádenıet basqarmasy mádenıet jáne óner bóliminiń basshysy - Gúl Sovethanqyzy jáne de Karıma Oralova, Ómirbek Qonysbekov pen Almagúl Іndemesova QR Mádenıet jáne sport mınıstrliginiń «MÁDENIET SALASYNYŃ ÚZDІGІ» tósbelgisimen marapattaldy. Sonymen qatar, Aqtoty Rahmetollaqyzy Qazaqstan Respýblıkasynyń Mádenıet jáne sport mınıstriniń qurmet gramotasy men alǵys hatyn da óz qolymen tabystap, izgi tilegin jetkizdi.

Shara sońynda aıtysker aqyn, halyqaralyq, respýblıkalyq aqyndar aıtysynyń jeńimpazy Karıma Oralova mınıstrge alǵysyn bildirip, marapattalǵandar estelik sýretke tústi.