Aqtoty Raıymqulova men Altaı Kólginov tal ekti

NUR-SULTAN. QazAqparat - Búgin Qazaqstan Respýblıkasynyń Mádenıet jáne sport mınıstri Aqtoty Raıymqulova men Nur-Sultan qalasynyń ákimi Altaı Kólginov Uly Jeńistiń 75 jyldyǵyna oraı «Astana Opera» Memlekettik opera jáne balet teatrynyń saıabaǵyna tal ekti.

Teatr jáne ákimdik qyzmetkerleri qolǵa kúrek alyp, 20 qaraǵaı, 20 shyrshamen mekeme aýmaǵyn abattandyrdy.

Igi is-shara maqsaty - qorshaǵan ortany qorǵaý, eńbekti qadirleý, tárbıeleý, ekologııalyq mádenıetti qalyptastyrý.

«Qazirgi álemdik pandemııaǵa baılanysty engizilgen tótenshe jaǵdaıǵa qaramastan paıdaly is jasaýǵa jınaldyq. Al aǵash egý - ejelden kele jatqan ıgi amaldyń biri. «Bir tal kesseń on tal ek»,-degen atalar sózin este ustap, qalamyzdyń tazalyǵy úshin árqaısymyz qoldan kelgenshe úles qosaıyq»,-dedi mınıstr.