Aqtoty Raıymqulova mádenıet salasyndaǵy onlaın-jobalardy jalǵastyrýdy tapsyrdy
«Búkil álemge 2020 jyl synaq bolyp ádettegi ómir-salt pen qalypty jumysty ózgertti. Mınıstrlik kóptegen josparlardy qaıta qarap, túzetip, jumystyń jańa nysandaryn engizip, karantın kezinde 120 mıllıonnan astam qaralym jınaǵan kóptegen onlaın-jobalardy iske qosty. Bul jumysty jalǵastyrý kerek», - dedi Aqtoty Raıymqulova Mádenıet jáne sport mınıstrliginiń alqa májilisinde.
Onyń aıtýynsha jalpy 2020 jyl nátıjeli bolyp, oń jetistikterge qol jetkizilgen.
«2020 jylǵy negizgi sharalardyń tiziminde Memleket basshysynyń tapsyrmasy boıynsha áleýmettik qoldaý sharalary qabyldandy. Bul jalaqyny arttyrý, arnaıy aı saıynǵy aqshalaı tólemder, qosymsha júkteme úshin qosymsha aqylar belgileý, shyǵarma avtorlaryna qalamaqy tóleý, qyzmetkerlerdiń turǵyn úı jaǵdaılaryn jaqsartý jáne taǵy basqa sharalar. Memleket pandemııa kezeńinde memlekettik mádenıet, arhıv jáne sport uıymdaryn, mádenıet, óner jáne sport salasyndaǵy bilim berý mekemelerin tolyq kólemde qarjylandyrýdy toqtatpaǵanyn erekshe atap ótkim keledi», - dedi ol.