Aqtoty Raıymqulova mádenıet qyzmetkerleri baspanamen qalaı qamtylatyndyǵyn aıtty
«Qyzmetkerlerdiń turǵyn úı jaǵdaılaryn jaqsartý maqsatynda 2020 jylǵy 23 qazanda QR Mádenıet jáne sport mınıstrligi men «Qazaqstandyq ıpotekalyq kompanııasy» Ipotekalyq uıymy» AQ arasynda 2020-2025 jyldarǵa arnalǵan «Nurly jer» turǵyn úı-kommýnaldyq damytý memlekettik baǵdarlamasynyń qatysýshylary úshin satyp alý quqyǵymen jalǵa beriletin turǵyn úı satyp alý týraly kelisimge qol qoıyldy. Memlekettik baǵdarlama aıasynda mınıstrliktiń memlekettik qyzmetshilerine Nur-Sultan qalasynan 20 páter bólindi», - dedi mınıstr QR Prezıdenti janyndaǵy Adam quqyqtary jónindegi komıssııanyń otyrysynda.
Onyń dereginshe, Almaty qalasynda Mádenıet jáne sport mınıstrligine vedomstvolyq baǵynysty uıymdardyń qyzmetkerlerine 16 páter jáne Nur-Sultan qalasyna 47 páter bólindi. Aqtóbe oblysynda jastar men mádenıet, óner, arhıv mekemeleri qyzmetkerlerin áleýmettik qoldaý maqsatynda 14 qyzmettik jáne 25 jalǵa beriletin páter berildi. Onyń ishinde teatr, kitaphana, mýzeı salasynyń 13 jas mamany jalǵa beriletin páterlermen qamtamasyz etildi.
«Sonymen qatar, Mádenıet jáne sport mınıstrliginiń qoldaýymen Mádenıet, arhıvter jáne qujattama basqarmasynyń 38 mamanynyń QIK baǵdarlamasy boıynsha satyp alý quqyǵymen 1 bólmeli jalǵa beriletin páterlerge qol jetkizý máselesi qarastyrylýda», - dedi Aqtoty Raıymqulova.