Aqtoty Raıymqulova: Kitaphanalar jumysyn toqtatpaýy kerek

NUR-SULTAN. QazAqparat – Mádenıet jáne sport mınıstri Aqtoty Raıymqulova eldegi kitaphanalar mádenı oshaq retinde saqtalýy kerektigin málim etti, dep habarlaıdy QazAqparat tilshisi.

Eske sala ketsek buǵan deıin Nur-Sultan qalalyq máslıhatynyń depýtaty Mıras Shekenov elordadaǵy kitaphanalardy ustap turý úshin qarajat bólmeı, bárin tsıfrlandyryp, bir ǵana kitaphanany qaldyrý usynysyn kótergen edi. Mınıstr Aqtoty Raıymqulovadan BAQ ókilderi osy usynysqa qatysty pikirin surady.

«Kitaphanalar – rýhanııatty saqtaıtyn, adamzattyń myń jyldyq uly oılary shoǵyrlanǵan oryn. Memleketimizdiń saıasaty men mádenıet týraly zań boıynsha búkil mádenı qundylyqtardy azamattarǵa qoljetimdi etý kerek. Sondyqtan árıne zamanǵa saı ózgeristerge baılanysty kitaphanalardyń qorlary tsıfrlandyrylady. Olarmen birge arhıvter, mýzeılerdi de bul jumystan tys qalmaıdy. Sonymen qatar kitaphanalar óziniń jumysyn toqtatpaýy kerek. Bul – bizdiń ókiletti organnyń kózqarasy», - dedi mınıstr OKQ-da ótken baspasóz máslıhatynda.

Aqtoty Raıymqulova azamattar kitaphanalar mádenı oshaq retinde saqtalýy kerektigin jetkizdi.