Aqtoty Raıymqulova «Qazaqfılmdegi» órtti sóndirýge qatysqandarǵa alǵys bildirdi
10:25, 16 Tamyz 2020
ALMATY. QazAqpara - «Qazaqfılm» kınostýdııasynda oryn alǵan tótenshe jaǵdaıǵa baılanysty QR Mádenıet jáne sport mınıstriniń qatysýymen kezdesý ótti, dep habarlaıdy QazAqparat.
«Mınıstrlik ókilderimen kezdesýge Sh.Aımanov atyndaǵy «Qazaqfılm» kınostýdııasynyń prezıdenti Aqan Sataev, Almaty qalasy ákiminiń orynbasary Erjan Babaqumarov, Almaty qalasynyń ІІD jáne TJD ókilderi qatysty», delingen kınostýdııanyń instagram -ǵa silteme jasap.
Kezdesý barysynda órt shyqqan oryndarda tekserý júrgizilip, jaýapty mekemeler ókilderi órttiń paıda bolýynyń sebebi men hronologııasy týraly baıandama jasady. QR Mádenıet jáne sport mınıstri Aqtoty Raıymqulova órtti sóndirýge qatysqan azamattarǵa alǵysyn bildirdi.
Eske sala ketsek, 14 tamyzda túnde Almatydaǵy Sh.Aımanov atyndaǵy «Qazaqfılm» AQ mýzeıinde órt shyqty.