Aqtoty Raıymqulova Aqtóbedegi shańǵy rolleriniń ashylýyna qatysty
Mınıstr Aqtóbe qalasynda boı kótergen shańǵy rollerli bazasynyń resmı ashylýyna qatysyp, ǵımarattyń jumysymen tanysady. Sport kesheni «Jumyspen qamtýdyń jol kartasy» memlekettik baǵdarlamasy aıasynda salyndy. Joba quny – 840 mıllıon teńge. Munda shańǵy sporty, qysqy prezıdenttik kópsaıys jáne t.b. sport túrlerin damytýǵa múmkindik bar. Barlyǵy 40 adam jumyspen qamtyldy.
«Memleket basshysy buqaralyq sportty damytýǵa tapsyrma berdi. Aqtóbedegi shańǵy rolleri bazasyn úlgi etip aıtýǵa bolady. Mundaı sport kesheni kez kelgen aımaqta joq. Jyldyń qaı mezgili bolsa da qysqy sportpen shuǵyldanýǵa bar múmkindik jasalǵan. Óńirdiń áleýeti joǵary. Máselen, Rıdderdegi sport mektebinde Aqtóbeden shyqqan jetkinshekter kóp eken. Bul óńirdegi júıeli jumystyń kórsetkishi», - dedi mınıstr Aqtoty Raıymqulova.
Óńirde bul baǵyttaǵy jumys jalǵasady.
«Іndet kezinde áleýmettik qurylys toqtaǵan joq. Sonyń ishinde el bolashaǵy balalarǵa arnalǵan sport kesheni salynyp, qoldanysqa berilip jatyr. Endi qysy-jazy sportpen shuǵyldanýǵa múmkindik beretin shańǵy rolleri Aqtóbede de bar», - dedi oblys ákimi Ońdasyn Orazalın.
Mınıstr múmkindigi shekteýli balalardy ońaltý ortalyǵy jáne «Ulttyq sport túrleri boıynsha oblystyq mamandandyrylǵan» BJSM-niń jumysymen tanysty. Munda ıppoterapııa ádisi keń qoldanylady. Sonymen birge mınıstr óńirdegi Jekpe-jek saraıyna da bardy. Munda boks, kúres, dzıýdo jáne ózge de jarystardy ótkizýge múmkindik bar. Jattyǵý zaly, kúres jáne boks, aerobıka zaly zamanaýı qural-jabdyqpen jabdyqtalǵan. Taekvondo jáne ústel tennısi bóliminiń sportshylary da osynda jattyǵý jasaıdy.
«Balalar men jasóspirimderge arnalǵan sport keshenderi, klýbtary ashylyp jatyr. Memleket buqaralyq sportty damytýǵa basymdyq beredi. Sport -densaýlyq, jaqsy kóńil kúı jáne bolashaǵymyz», - dedi Aqtoty Raıymqulova.