Aqtoǵaıdan Alakólge qalaı jetýge bolady

NUR-SULTAN. QazAqparat – Aqtoǵaı stansasynan Alakól demalys ornyna qalaı jetýge bolady. Bul týraly «Jolaýshylar tasymaly» AQ bas dırektorynyń orynbasary Vıktor Boshmann aıtyp berdi, dep habarlaıdy QazAqparat tilshisi.

«Biz adamdardy Aqtoǵaıdan Alakólge deıin avtobýspen jetkizýdiń joldaryn qarastyrýdamyz. Óıtkeni poıyz Alakóldiń ózine deıin barmaı Aqtoǵaıdan burylyp ketedi. Sol úshin de «Kazakh Tourism» kompanııasy arqyly kelýshilerdi avtobýspen tasymaldaıtyn týrıstik kompanııa izdedik, ázirge nátıjesiz. Aqtoǵaı stansasynan ary qaraı adamdardy Alakólge jetkizetin qatynas quralyn tapsaq, kelýshilerdiń de sany arta túser edi», - dedi V. Boshmann.

Onyń aıtýynsha, Alakólge barýshylar ázirge Aqtoǵaı stansysynan túsip, basqa poıyzǵa minip joldy uzartýǵa májbúr.

Buǵan deıin Alakólge qatynaıtyn poıyz baǵyttary men bılet quny týraly habarlaǵan bolatynbyz.

Sondaı-aq, «Jolaýshylar tasymaly» AQ ókili elimizde poıyz bıletterin alypsatarlardyń satyp alýynyń jolyn kesýdiń jańa tásili týraly aıtty.

Odan bólek, poıyz bıletterin jappaı satyp alýdyń zańdy joldary da atalyp kórsetildi.