Aqtóbeniń taǵy bir aýdanynda tótenshe jaǵdaı jarııalandy

<p>AQTÓBE. KAZINFORM &ndash; Aqtóbe oblysy Muǵaljar aýdanynda jergilikti deńgeıdegi tótenshe jaǵdaı jarııalandy.</p>

Muǵaljar aýdanynyń ákimi Darhan Ermaǵanbetov aýdanda jergilikti deńgeıdegi tabıǵı sıpattaǵy tótenshe jaǵdaı jarııalanǵanyn habarlady. 

- Komıssııa 28-naýryzdan bastap jergilikti deńgeıde tótenshe jaǵdaı jarııalaý týraly sheshim qabyldady. Sheshimge sáıkes qalpyna keltirý jumystaryn atqaratyn bolamyz,- dedi Muǵaljar aýdanynyń ákimi Darhan Ermaǵanbetov. 

Eske salsaq, buǵan deıin Qobda aýdanynda tótenshe jaǵdaı jarııalandy. Jalpy Aqtóbe oblysy boıynsha qazirgi kezde 700-den astam adam evakýatsııalandy. Kóktemgi sý tastyǵy kezeńi bastalǵaly beri joldan sý óteýdiń 15 deregi tirkeldi. Bul respýblıkalyq, oblystyq, aýdandyq mańyzy bar joldar. Sonymen birge oblysta barlyǵy 8 joldy sý shaıdy.