Aqtóbeniń Dostyq aýylynda úı órtenip, eki zeınetker mert boldy
Oqıǵa 17 mamyrdan 18 mamyrǵa qaraǵan túni boldy. Oblystyq TJD baspasóz qyzmetiniń habarlaýynsha, órt sóndirý barysynda 1955 jáne 1958 jyly týǵan eki adamnyń denesi tabyldy. Úıdiń aýdany — 90 sharshy metr. Órt qazirgi kezde sóndirildi.
Aıta keteıik, dál osy Mártók aýdanynda birer kún buryn oqý-jattyǵý ótti. Onda orman jáne dala órtterin sóndirý tapsyrmasy oryndaldy.
— Stsenarıı boıynsha aýa temperatýrasynyń kúrt joǵarlaýyna baılanysty dala alqabynyń qurǵaq shóbi jandy. Saldarynan Mártók aýdanynyń orman qoryna ótý qaýpi týyndady. Tótenshe jaǵdaı ornyna jalpy sany 183 adam jáne 35 birlik tehnıka bolatyn kúshter men quraldar jumyldyrylyp, orman, dala órtin sóndirdi. Taktıkalyq oqý-jattyǵý jıynynyń nátıjeleri boıynsha laýazymdy tulǵalar men qatysýshylardyń ózara is-qımylyna taldaý júrgizilip, baıandamalary tyńdaldy, — dep habarlady Aqtóbe oblystyq TJD baspasóz qyzmeti.