Aqtóbeniń Áıteke bı aýdanynda tótenshe jaǵdaı jarııalandy

<p>AQTÓBE. KAZINFORM &ndash; Aqtóbe oblysy Áıteke bı aýdanynda jergilikti deńgeıde tótenshe jaǵdaı jarııalandy.</p>

Áıteke bı aýdanynda tótenshe jaǵdaı jarııalanǵanyn aýdan ákimi Daýletııar Toǵyzbaev habarlady.

«Qazirgi kezde aýdan ortalyǵy T.Júrgenov aýyly men Taldysaı aýylyna sý kirý qaýpi tónip tur. Sebebi Yrǵyz ózeninen Sherbakov jáne ıAroslav platınasyna sý kóp kelip jatyr. Mamandar jumys istep jatyr. Tótenshe jaǵdaılar qyzmeti men jergilikti atqarýshy organdar evakýatsııalaýǵa kómek beredi. Habarlamaǵa beıjaı qaramaı, evakýatsııalyq beketke kelý suralady», - dedi aýdan ákimi Daýletııar Toǵyzbaev.

Aıta keteıik, buǵan deıin oblystyń tórt aýdany men Aqtóbe qalasynda tótenshe jaǵdaı jarııalandy. Búgin óńirge birinshi vıtse-premer Roman Sklıar kelip, sý tasqyny jaǵdaıymen jáne júrgizilip jatqan jumystardy úılestirý barysymen tanysty.