Aqtóbeniń taǵy bir aýdanynda tótenshe jaǵdaı jarııalandy
Oıyl aýdany ákimdiginiń saıtynda 20 naýryzdan bastap jergilikti aýqymdaǵy tótenshe jaǵdaı jarııalanǵany týraly jazylǵan. Tabıǵı sıpattaǵy tótenshe jaǵdaıdy joıýǵa baǵyttalǵan is-sharalardy aýdan ákimi Asqar Qazybaevtyń ózi basqarady. Al, oblys ákimi baspasóz qyzmetiniń habarlaýynsha, aýdanda 11 úıdi sý basqan.
«Sý tasqynynda 11 úıge sý kirdi. Onyń úsheýi – bos turǵan úı. 2 úıdiń dálizine zaqym kelgen. 12 aýla aýmaǵyn (saraı, qora) sý shaıdy. Adam ólimi, mal shyǵyny joq», - dep habarlady oblys ákimi baspasóz qyzmeti.
Eske salsaq, 17 naýryz kúni Oıyl aýdanynda 100-den astam adam evakýatsııalandy. Dál sol kúni Qalatal aýylynda bóget buzylyp, aýylǵa sý kirdi. Oqıǵa ornyna oblys ákimi E. Toǵjanov pen oblystyq TJD bastyǵy M. Amanbaev bardy. Óńirge Tótenshe jaǵdaılar mınıstri ıÝrıı Ilın kelip, Oıyl aýdanyndaǵy jaǵdaı kúrdeli ekenin habarlady. Erigen qar sýyn jedel ótkizý úshin ınjenerlik, qurylys tosqaýyldaryn buzýǵa sheshim qabyldanǵan.
Aıta keteıik, buǵan deıin oblystaǵy Qobda aýdanynda jergilikti deńgeıdegi tótenshe jaǵdaı jarııalandy. Munda 70-ten astam úıge sý kirdi. Qazirgi kezde 24 úıdiń qurylysy bastaldy. Shyǵyn áli eseptelip jatyr.