Aqtóbeniń shalǵaı aýdanynda munaı qoryn izdeý jumystary bastalady
Aqtóbe oblysynyń Oıyl aýdanynda búginde aýyl sharýashylyǵy salasy jaqsy damyp otyr. Munda áıgili Shyǵanaq Bersıev tary ósirip, álemdik rekord ornatqan. Qazir Barqyn qumynda qaraǵaı, terek aǵashtary jaıqalǵan orman da bar. Ekologtar munda tuşy sýdyń mol qory bar ekenin de jasyrmaıdy.
Aqtóbe oblystyq ekologııa departamentinen málim etkendeı, bul jerde munaı qory da bolýy múmkin. Jekemenshik kompanııalardyń biri izdeý-barlaý jumystaryna ruqsat alyp, barlyǵy 12 jerde uńǵyma qazbaq.
«Oıyl aýdanyndaǵy Barqyn qumy aýmaǵynda burǵylaý jumystaryn júrgizý boıynsha daıyndyq bastaldy. «Ada» kompanııasy 10 memlekettik saraptamany alyp, Egizqara barlaý aýmaǵynan 600, 850, 1450 metrlik tereńdikte burǵylaý júrgizedi. Іzdeý-barlaý jumysy Oıyl ózeninen 700 metr, Barqyn qumynan 2,5 shaqyrymda iske asyrylady», - dedi Aqtóbe oblystyq ekologııa departamentiniń basshysy Jaqsyǵalı Imanqulov.
Aıta keteıik, Oıyl aýdanynyń turǵyndary aýylda barlaý júrgizip, munaı izdeýge qarsylyq bildirip otyr. Biraq ekologtar turǵyndardy sabyrǵa shaqyrýda.
«Ol jerde munaıdyń bar-joǵy belgisiz. Sonymen qatar, izdeý-barlaý jumystary tabıǵaty erekshe Barqyn qumynan qashyqta ornalasqan. Barlyǵy 12 jerde uńǵyma qazylyp, izdeý júredi. Tuşy sýǵa eshqandaı zııan kelmeıdi»,- deıdi Jaqsyǵalı Imanqulov.