Aqtóbeniń gazy temirjol arqyly zańsyz tasymaldanǵan
Aqtóbedegi suıytylǵan gaz tapshylyǵynyń negizgi máselesi anyqtala bastady. Oblystyq memlekettik kirister departamenti, QR Bas kólik prokýratýrasy, Ulttyq qaýipsizdik komıtetiniń oblystyq departamenti, oblystyq ishki ister departamenti men Aqtóbe stantsııasyndaǵy jelilik ishki ister bólimi qazir jedel izdestirý, tintý jumystaryn júrgizip jatyr. Basty kúdikke - «AzGazLogıstık» jáne «GoldStep» JShS ilikti. Ekeýi de zaýyttaǵy gazdy taratýshylarǵa jetkizetin kompanııa.
«Qazirgi ýaqytta tergeý jumystary júrip jatyr. Іske QR Bas kólik prokýratýrasynyń aralasýy gazdyń temirjol arqyly tasymaldanǵanyn bildiredi. Eki kompanııanyń terrıtorııasynda tintý, ustaý operatsııasy jalǵasyp jatyr»,- dedi oblystyq memlekettik kirister departamenti, ekonomıkalyq tergeý qyzmeti basqarmasynyń basshysy Artýr Haıredınov.
Buǵan deıin habarlaǵanymyzdaı, Aqtóbede suıytylǵan gaz tapshylyǵy máselesi týyndap, jergilikti ákimdik negizgi sebepti munaı kompanııasynan izdegen bolatyn . Úkimetke jetken jergilikti másele kezinde Energetıka mınıstri Qanat Bozymbaev Aqtóbege eki qyzmetkerin jibergenin málimdedi . Gaz tapshylyǵy máselesin joıý úshin oblys ákimdigi men munaı kompanııasy kelisimge kelip, naýryz aıyna taǵy 570 tonna gaz bóldi . Al búgin suıytylǵan gaz kontrabandalyq jolmen shetelge tasymaldanǵany belgili boldy .