Aqtóbeniń ekologııalyq problemalaryn sheshetin jol kartasy ázirlenbek

NUR-SULTAN. QazAqpart – Aqtóbe oblysynyń eko-belsendileri men Ekologııa, geologııa jáne tabıǵı resýrstar mınıstrligi mamandary oblystyń ekologııalyq problemalaryn keshendi sheshýdiń jol kartasyn ázirleıdi. Bul týraly Ekologııa, geologııa jáne tabıǵı resýrstar mınıstri Maǵzum Myrzaǵalıev óziniń Twitter-degi paraqshasynda jazdy.

«Aqtóbe oblysy jurtshylyǵy óńirdegi ekologııalyq ahýal týraly áleýmettik jelide birqatar máseleler kóterýde. Búgin eko-belsendilermen, jurtshylyqpen osy sebeppen onlaın-kezdesý ótkizdik. Qatysýshylar atmosferalyq aýany monıtorıngileý, lastaýshy kózder týraly tolǵandyrǵan máselelerdi, sondaı-aq problemalardy sheshýdegi óz kózqarastaryn bildirdi», - dedi mınıstr.

«Kezdesý qorytyndysynda eko-belsendilermen birge jaqyn aralyqta emıssııalardy qysqartý, jasyl beldeýdi damytý, óndiris qaldyqtaryn basqarý sharalaryn qarastyratyn oblystyń ekologııalyq problemalaryn keshendi sheshýdiń jol kartasyn jasap, bekitý kelisildi», - dep habarlady M.Myrzaǵalıev.
Bul sharalardyń barlyǵy keıinnen óńirdegi ákimdikpen birge iske asyrylady, dep naqtylady ol.