Aqtóbeniń eki jańa aýdanynyń ákimdikteri jumystaryn bastady
00:07, 28 Maýsym 2018
AQTÓBE. QazAqparat - Aqtóbeniń eki jańa aýdanynyń ákimdikteri jumysqa kiristi, dep habarlaıdy «QazAqparat» HAA tilshisi.
Májilis barysynda qala ákimi Іlııas Ispanov bıylǵy jyly jergilikti atqarýshy organdardy basqarýdyń qurylymy ózgergendigin atap ótti. 5 aýyldyq okrýgtiń jumysy toqtatylyp, onyń ornyna 2 aýdan ákimdiginiń jumysy jolǵa qoıyldy.
Almaty aýdanynyń ákimdigi «Nur Aqtóbe» shaǵyn aýdanyna jaqyn ornalasqan. Aýdan ákiminiń mindetin Jańa aýyldyq okrýginiń ákimi Almas Álimbaev atqaryp otyr.
Astana aýdany ákiminiń mindetin Blagodarnyı aýyldyq okrýginiń burynǵy ákimi Baquzaq Darın atqarýda.
Aýdan ákimdikterinde jumys májilisteri ótip, onyń barysynda birinshi kezekte qolǵa alynýy tıis sharalar sóz bolyp, jumysty odan ári jalǵastyrý úshin atqarylýy tıis ister boıynsha naqty tapsyrmalar berildi.