Aqtóbeniń bas sanıtar dárigeri Naýryzdy otbasy múshelerimen ǵana toılaýdy usyndy

AQTÓBE. QazAqparat – Aqtóbe oblysy «jasyl» aımaqta bolǵanymen, sońǵy ýaqytta vırýs juqtyrǵandar sany artty. Oblystyń bas memlekettik sanıtarııalyq dárigeri Naýryz merekesin qoǵamdyq oryndarda emes, otbasynda atap ótýdi usyndy, dep habarlaıdy QazAqparat tilshisi.

Keshe óńirde 26 adamnan koronavırýs ınfektsııasy anyqtaldy. Aqtóbe qalasy men Oıyl, Hromtaý aýdandarynyń turǵyndary derttiń sımptomdy túrine shaldyqqan. Aýrýshańdyqtyń ósý deńgeıi 0,6% qurady. Jalpy oblysta búginge deıin 4614 jaǵdaı tirkelip, onyń 92 paıyzdan astamy jazylǵan. Qazirgi kezde 600 adam úı karantıninde jatyr. Bári de dárigerler baqylaýynda bolady.

«Kún saıyn koronavırýs ınfektsııasyn juqtyrǵan adam sany arta bastady. Halyqtyń sanıtarııalyq saýattylyǵyn arttyrý etý maqsatynda túsindirý jumysy jandandy. Konferentsııa, kórme uıymdastyryp, saltanatty sharalardy ótkizýge bolmaıdy. Naýryz mekemesinde de halyqtyq sharalardy ótkizýge shekteý qoıyldy. Merekeni tek otbasynda atap ótken jón», - dedi oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva.

Qazirgi kezde óńirde 87 naýqas ınfektsııalyq statsıonarlarda em qabyldap jatyr. Onyń 81-i qalada. Naýqastardyń jeteýi jansaqtaý bóliminde.

«Karantındik statsıonarlarda 14 adam jatyr. Aqtóbe qalasynda 6, Mártókte 4, Qarǵalyda 4 adam baqylaýda bolady», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.