Aqtóbeniń aýdandarynda koronavırýs ınfektsııasyn juqtyrǵandar kóbeıdi

AQTÓBE. QazAqparat – Aqtóbe aýdandarynyń barlyǵynda derlik vırýs juqtyrǵan adamdar bar. Tek Qobda aýdany ǵana dertten aman, dep habarlaıdy QazAqparat tilshisi.

Sońǵy táýlikte Aqtóbe oblysynda 26 adam koronavırýs ınfektsııasyn juqtyrdy. Qazir aýdandarda kóbeıip barady. Máselen, Alǵa men Yrǵyz, Temir aýdandarynda -3, Baıǵanınde - 1, Qarǵalyda - 2, Mártókte - 16, Muǵaljarda - 15, Shalqarda - 24 adamǵa jetti. Buǵan deıin Shalqar qalasynda erekshe shekteý sharasy engizilgenin habarlaǵan bolatynbyz.

«Sońǵy táýlikte vırýs juqtyrǵan 19 adam - Aqtóbe qalasynan. Shalqar aýdanynda ‒ 2 áıel, Muǵaljar aýdanynda ‒ 3 adam, Yrǵyz jáne Mártók aýdandarynda bir adamnan tirkelgen. 19 patsıent JRVI sımptomdarymen medıtsınalyq kómekke júgingen. Al 4 naýqas buǵan deıin koronavırýs anyqtalǵan adamdarmen qarym-qatynasta bolǵan. 2 adam epıdqadaǵalaý, 1 adam profılaktıkalyq maqsatta qaralǵan», - dep habarlady oblystyq taýarlar men kórsetiletin qyzmetter sapasy men qaýipsizdigin baqylaý departamentiniń baspasóz qyzmeti.

Barlyq naýqas juqpaly aýrýlar statsıonaryna jatqyzylǵan. Olarmen qarym-qatynasta bolǵan adamdar medıtsınalyq baqylaýǵa alyndy

Aıta keteıik, Aqtóbe oblysynda koronavırýs ınfektsııasymen jalpy 427 adam tirkelgen, onyń 244-i jazylyp shyqqan.