Aqtóbeniń Alǵa aýdanynda elektr stansasy órtendi
Aqtóbe oblysyndaǵy 101 qyzmetine búgin saǵat 8:39-da habarlama túsedi. Habarlamada Alǵa aýdanyndaǵy elektr stansasy órtenip jatqany týraly aıtylǵan. Shaqyrý ornyna 18 qutqarýshy jáne 4 tehnıka jiberildi. Órt kezinde jaralanǵan eshkim joq.
«Qutqarýshylar oqıǵa ornyna barǵan soń ǵımarattyń kireberis qaqpasyn buzyp ashty. Órtti sóndirý kezinde barlyq qaýipsizdik erejesi saqtaldy. Kóbik shashty. Qutqarýshylar órttiń kórshiles qosalqy stansa sektsııasyna tarap ketpeýin qamtamasyz etti. Aldyn ala derekter boıynsha órt alańy – 50 sharshy metr. Órt bir saǵattan soń oqshaýlanyp, sóndirildi. Shyǵý sebebi anyqtalyp jatyr», - dep habarlady oblystyq TJD baspasóz qyzmeti.
Qazirgi kezde qalada qansha abonenttiń jaryqsyz otyrǵany aıtylmady. Al, aýdandyq aýrýhanada generator iske qosyldy.
Eske salsaq, keshe Aqtóbe oblysy Qarǵaly aýdany Petropavl aýyly Gagarın kóshesindegi jeke turǵyn úıde gaz ballony jaryldy. Habar 112 qutqarý qyzmetine tústi. Oqıǵa ornyna 2 qutqarýshy men tehnıka jiberilgen. Jarylys saldarynan 71 jastaǵy er kisi men 95 jastaǵy qarııa oblystyq kópsalaly aýrýhanaǵa jetkizildi.
Ashyq kózderden alynǵan foto