Aqtóbelikterdiń teń jartysynan astamy áli kúnge deıin deklaratsııa tapsyrmady

<p>AQTÓBE. KAZINFORM &ndash; Jalpyǵa birdeı deklaratsııanyń úshinshi kezeńine 100 myńnan astam adam qatysýy tıis. Qazirgi kezde aqtóbelikterdiń teń jartysynan astamy áli kúnge deıin salyq organdarynyń talabyn oryndamaı otyr.</p>

Jalpyǵa birdeý deklaratsııa tórt kezeńnen turady. Bıyl úshinshi kezeńi ótip jatyr. Erejege sáıkes bul kezeńde zańdy tulǵalardyń basshylary men quryltaıshylary, jeke kásipkerler jáne olardyń jubaıy aldyn ala daıyndalǵan suraqtarǵa jaýap berýi tıis. Aqtóbe oblysy boıynsha birinshi jáne ekinshi kezeńde 145 myń adam qatysty. 

- Bıyl 102 adam deklaratsııa tapsyrýy tıis. Búgingi kúni onyń tek 45 myńy ǵana suraqtarǵa jaýap berip, qujattaryn rettedi. Bul bar bolǵany 44%. Deklaratsııany 15-qyrkúıekke deıin turǵylyqty jeri boıynsha tapsyrady. Ol úshin arnaıy mobıldi qosymshany paıdalanýǵa bolady. Nemese ekinshi deńgeıli bankterdiń qosymshasy qajet,- dedi Aqtóbe oblysy boıynsha memlekettik kirister departamenti basshysynyń orynbasary Asylbek Qalmenov. 

Aıta keteıik, elimizde keler jyly tórtinshi kezeń bolady. Ol kezde kámelet jasqa tolǵandardan bastap barlyq sanattaǵy adamdar deklaratsııa tapsyrady.