Aqtóbelikterdi úreıde ustaǵan sheteldiń 18 jastaǵy turǵyny bolyp shyqty

<p>AQTÓBE. KAZINFORM&nbsp;&ndash; Aqtóbe qalasynyń mektepterine qatysty terrorızm aktisi týraly kórineý jalǵan habarlama taratqan kúdikti anyqtaldy. Ol jaqyn sheteldiń 18 jastaǵy azamaty bolyp shyqty.</p>

Aqtóbe oblystyq PD baspasóz qyzmetiniń habarlaýynsha, óńirdegi jaǵdaı quqyq qorǵaý organdarynyń baqylaýynda. Alańdaýǵa negiz joq.

– Aqtóbe qalasynyń mektepterinde terrorızm aktisi týraly kórineý jalǵan habarlaý faktisi boıynsha polıtsııa qyzmetkerlerimen jaqyn shet elderdiń biriniń 18 jastaǵy turǵyny anyqtaldy. QR Qylmystyq-protsestik kodeksiniń 201-babyna sáıkes qylmystyq isti tergeý sheńberindegi ózge de aqparat jarııa etýge jatpaıdy,- dep habarlady Aqtóbe oblystyq PD baspasóz qyzmeti.

Eske salsaq, Aqtóbe mektepterine terrorlyq shabýyl jasalatyny týraly aqparat tarap, kópshilik úreıge boı aldyrdy. Aqtóbe oblysynyń ákimi birden atalǵan mektepterge baryp, qaýipsizdik júıesiniń jumysymen tanysty.  Qazirgi kezde qylmystyq is qozǵalyp, sotqa deıingi tergep-tekserý júrip jatyr.