Aqtóbelik turǵyn densaýlyǵy syr bergen anasyna aı saıyn alıment tóleýi tıis

<p>AQTÓBE. KAZINFORM &ndash; Aqtóbe qalalyq sotynda 68 jastaǵy zeınetkerdiń aryzy boıynsha is qaralyp, eki tarap bir sheshimge keldi. Endi qala turǵyny anasyna aı saıyn 41 AEK kóleminde, ıaǵnı, 151 372 teńge tólep otyrýy tıis.</p>

Aqtóbe qalasy № 3 sotynyń baspasóz qyzmetiniń habarlaýynsha, 68 jastaǵy zeınetker ulynan alıment óndirý úshin sotqa aryz túsirdi. Talap qoıýshy densaýlyǵynyń nasharlaǵanyn, kúrdeli ota jasatýǵa múmkindigi joq ekenin aıtyp, alıment óndirýdi surady. QR Neke jáne otbasy týraly kodeksiniń 145-baby 1 jáne 2 tarmaqtaryna sáıkes, eńbekke jaramdy adam óz ata-anasyn kútip-baǵýǵa jáne olarǵa qamqorlyq jasaýǵa mindetti.

— Sotta tatýlastyrý rásimi ótip, taraptar daýdy bitimmen aıaqtaýǵa sheshim qabyldady. Bitimgershilik kelisimge sáıkes, jaýapker óziniń kómekke muqtaj, eńbekke jaramsyz anasyna aı saıyn 41 AEK, ıaǵnı, 151 372 teńge mólsherinde alıment tóleıdi. Sottyń uıǵarymymen kelisim bekitilip, azamattyq is toqtatyldy, — dep habarlady Aqtóbe qalasy № 3 sotynyń baspasóz qyzmeti.