Aqtóbelik polıtseıler óz-ózine qol jumsamaq bolǵan turǵyndy aman alyp qaldy

<p>AQTÓBE. KAZINFORM &ndash; Aqtóbelik polıtsııa qyzmetkerine hat jazyp, jarty saǵattan soń úıine kelýin suraǵan. Ýchaskelik ınspektorlar mekenjaıǵa dereý barǵanda úı ıesiniń asylyp turǵanyn kórdi.</p>

Oqıǵa 13 qańtar kúni boldy.

Aqtóbe oblystyq PD baspasóz qyzmetiniń habarlaýynsha, Aqtóbe qalalyq polıtsııa bóliminiń ýchaskelik polıtsııa ınspektorlary Mergen Baıjanov pen Nurhat Sálimgereevke jergilikti turǵyn alys jolǵa shyqqanyn, jarty saǵattan soń úıine kelýin suraǵan. Polıtsııa qyzmetkerleri ol turatyn mekenjaıǵa dereý jetedi. 

- Úıge jaqyndaǵan kezde úı ıesiniń jipke asylyp turǵanyn kórgen. Júgirip jetken polıtsııa kapıtany N.Salımgereev jigitti dereý kóterip alyp, áriptesi Mergen Baıjanov onyń moınyndaǵy jipti kesip úlgergen. Es-tússiz jaǵdaıda bolǵan turǵynǵa olar alǵashqy medıtsınalyq kómek kórsetip, jedel járdem shaqyrǵan,- dep habarlady Aqtóbe oblystyq PD baspasóz qyzmeti. 

Qazirgi ýaqytta 31 jastaǵy er adamnyń jaǵdaıy qalypty.

Ol otbasylyq urys-keristen soń osy qadamǵa barǵanyn aıtqan. 

- Kúndiz ǵana bul azamatty qaladaǵy saýda oryndarynyń birinen kórip, amandasqan bolatynbyz. Jol júrip ketkeni jaıly habarlamasy birden kúdik týdyryp, jedel jettik. Eń bastysy, árıne, onyń amandyǵy,- dedi ýchaskelik polıtsııa ınspektory Nurhat Sálimgereev.

Eske salsaq, 13 qańtar kúni túnde er adam áıeldi kepilge aldy.

Qylmystyq oqıǵa kezinde erli-zaıypty kóz jumyp, al onyń qyzy aýrýhanaǵa tústi. 

Kepilde bolǵan áıeldi neırohırýrgtar men travmatologtar emdep jatyr.