Aqtóbelik neırohırýrgtar epılepsııamen aýyratyn balalarǵa sırek ota jasaýdy meńgerdi

<p>ASTANA. KAZINFORM &mdash; Aqtóbede oblystyq balalar aýrýhanasynyń bazasynda neırohırýrgtar epılepsııamen aýyratyn balalarda ustamalardyń jıiligin 60%-ǵa tómendetetin biregeı operatsııalar júrgizýdi úırendi. Bul týraly QR Densaýlyq saqtaý mınıstrliginiń baspasóz qyzmeti málim etti.&nbsp;</p>

Jergilikti neırohırýrgter úshin master-klasty Azamat Jaılǵanov ótkizdi, ol 2021 jyldan bastap Almaty qalasynyń № 2 qalalyq aýrýhanasynyń bazasynda VNS-terapııa boıynsha 70-ke jýyq tabysty aralasý júrgizdi.

Master-klass qatysýshylarynyń skalpeliniń astynda farmakorezıstentti epılepsııamen aýyratyn kishkentaı patsıent boldy. Bul dári-dármekter men emdeýdiń basqa túrleri tıimsiz bolatyn aýrýdyń bir túri.

Operatsııa jasaıtyn mamandar patsıenttiń bassúıek nervine arnaıy stımýlıator ornatty. Apparat balanyń terisiniń astynda 4-10 jylǵa qaldyrylady.

«Qymbat operatsııa tek bir saǵatty alady. Onyń tıimdiligi ustamalar jıiliginiń 60% tómendeýine jetedi. Bul balalar úshin mańyzdy, dep atap ótti sarapshylar komandasynda kelgen epıleptolog ıAna Akchýrına. Óıtkeni, dári-dármektermen tıisti baqylaýsyz epılepsııa psıhıkalyq jáne fızıkalyq damýdyń buzylýyna ákeledi», — delingen habarlamada.

Emdeýdiń bul túrin engizý ustamalardy dári-dármektermen baqylaý múmkin bolmaǵan jaǵdaıda bizdiń eldegi epılepsııamen aýyratyn balalardaǵy ustamalardy baqylaýǵa kómektesedi.

Master-klass qorytyndysy boıynsha Aqtóbe oblystyq densaýlyq saqtaý basqarmasy statsıonar bazasynda ádistemeni engizý úshin balalar neırohırýrgtarynyń operbrıgadasyn qurýdy josparlap otyr.