Aqtóbelik muǵalim aýyldasyn óltirip aldy
Aqtóbe oblystyq PD baspasóz qyzmetiniń habarlaýynsha, «Suzuki XL7» markaly avtokóliginiń júrgizýshisi Yrǵyz aýdany Qurylys aýlynda 40 jastaǵy jaıaý júrginshini qaǵyp ketken. Jol-kólik oqıǵasy saldarynan jaıaý júrginshi oqıǵa ornynda qaıtys boldy.
- Saraptama aktisine sáıkes júrgizýshi mas kúıinde bolǵan. Adamnyń ólimine ákep soqtyrǵan jol qozǵalysy erejesin buzý faktisi boıynsha sotqa deıingi tergep- tekserý bastaldy. Júrgizýshi ýaqytsha ústaý ızolıatoryna qamaldy, - dep habarlady Aqtóbe oblystyq PD baspasóz qyzmetiniń jetekshisi Erbolat Sarqulov.
Aıta keteıik, jábirlenýshi de, kúdikti de bir aýyldyń turǵyndary. Kúdikti – Qurylys aýylyndaǵy Baımen Almanov atyndaǵy orta mekteptiń Alǵashqy áskerı daıyndyq jetekshisi.
- Oqıǵany túnde estidim. Ol qazir eńbek demalysynda júrgen adam. Óte ókinishti nárse. Kúdikke ilikken Erik Sýhanberlın jaqsy muǵalim edi. Qolynan kelse kómektesedi, shyǵarmashyl adam. Án aıtady, poezııaǵa jaqyn. Otbasy úlgili. Ózi mektepte 14 jyl jumys istedi. Bul jaǵdaı qaı-qaısysyna da ońaı emes, - dedi Baımen Almanov atyndaǵy orta mekteptiń dırektory Nurgúl Qalmaǵambetova.
Aıta keteıik, kúdikke ilikken mektep muǵalimi 36 jasta, otbasyly.