Aqtóbelik kásipkerler álem chempıony Rızabek Aıtmuhanǵa bir úıir jylqy syılady

<p>Erkin kúresten táýelsiz Qazaqstan tarıhyndaǵy tuńǵysh álem chempıony Rızabek Aıtmuhanǵa aqtóbelik kásipkerler óńirge sapary kezinde qurmet kórsetip, bir úıir jylqy syılady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Bul týraly áleýmettik jelidegi paraqshasynda jarııalandy.

«Jylqy qazaqtyń rýhy ekeni barshaǵa málim… Ata-baba saltyn berik ustanatyn Aqtóbe oblysynyń jylqyshylar odaǵy, Marat, Rınat Janǵozındar men osy óńirdiń birneshe betke ustar azamattary «Taqymyńnan tulpar ketpesin» dep, erkin kúresten elimizdiń tuńǵysh álem chempıony Rızabek Aıtmuhanǵa bir úıir jylqy atady. Sondaı-aq arnaıy tapsyryspen AQSh-tan, qoldan jasatylǵan er-toqymdy tartý etti», — delingen habarlamada.

Sondaı-aq álem chempıony Aqtóbege barǵan kezinde oblys ákimi men bir qansha laýazymdy tulǵalardyń qabyldaýynda bolyp, aq-tilek, batasyn alǵan.

Esterińizge sala keteıik, kúres janashyry Marat Janǵozın buǵan deıin de Belgrad (Serbııa) tórinde erkin kúres balýandaryna aq dastarqan jaıyp, Azamat Dáýletbekov pen Rızabek Aıtmuhanǵa qomaqty qarjy tabystaǵan bolatyn.