Aqtóbelik áıelder shaǵyn jáne orta bıznestiń teń jartysyna jýyǵyn basqarady

<p>AQTÓBE. KAZINFORM - Aqtóbede 84 myńnan astam shaǵyn jáne orta bıznes sýbektisi bolsa, onyń teń jartysyna jýyǵyn áıelder basqaryp otyr. Qyz-kelinshekterdiń kóbi kóterme jáne bólshek saýdany tańdaǵan.</p>

Aqtóbe oblystyq kásipkerlik basqarmasynyń basshysy Almas Salyqbaevtyń habarlaýynsha, oblysta turaqty jumys istep turǵan 84 myńnan astam shaǵyn jáne orta kásipkerlik sýbektisi bar. Onyń 40 myńnan astamy áıelderdiń ıeliginde.

Kásibin oń jolǵa qoıǵan aqtóbelik qyz-kelinshekterdiń 18 myńnan astamy kóterme jáne saýda salasyn tańdaǵan. Sonymen birge óńdeý, aýyl sharýashylyǵy, balyq sharýashylyǵy jáne jyljymaıtyn múlik satý, satyp alý salasynda eńbek etedi. 

- Byltyr Kásipkerlikti damytý jónindegi ulttyq jobasy aıasynda 1 600-den astam joba qoldaý tapty. Máselen 1 myńǵa jýyq jobaǵa sýbsıdııa berilse, onyń teń jartysy áıelder basqaratyn bızneske bólingen. Barlyǵy 663 jobany nesıelendirýge 21 mlrd teńge bólingen bolsa, sonyń 224 jobasy áıelder enshisindegi kásip. Sonymen birge Aqtóbe oblysynyń kásipkerlerge qyzmet kórsetý ortalyǵynda áıelderge keńes berildi. Bıyl 64 áıelge baǵyt-baǵdar berildi, - dedi Aqtóbe oblystyq Kásipkerlik basqarmasynyń basshysy Almas Salyqbaev.