Aqtóbelikterdiń jylýǵa tólegen 50 mln teńgesi ózderine qaıtarylady

AQTÓBE. QazAqparat - Aqtóbe oblysynyń tutynýshylaryna jylý úshin 50 mln teńgeden astam somaǵa qaıta esepteý jasalady, dep habarlaıdy QazAqparat Tabıǵı monopolııalardy retteý komıtetine silteme jasap.

Ulttyq ekonomıka mınıstriniń 2019 jylǵy 19 qarashadaǵy buıryǵymen tarıfterdi qalyptastyrý qaǵıdalary bekitilgen. Oǵan sáıkes, Aqtóbe oblysynda jylý energııasyn esepteıtin aspaby joq tutynýshylarǵa jylý energııasymen jabdyqtaý qyzmetin kórsetetin 11 tabıǵı monopolııa sýbektisi boıynsha syrtqy aýanyń naqty temperatýrasyn eskere otyryp, jylýmen jabdyqtaý qyzmetiniń quny qaıta esepteldi.

Tutynýshylar quqyǵyn qorǵaý maqsatynda Tabıǵı monopolııalardy retteý komıtetiniń Aqtóbe oblysy boıynsha departamenti joǵaryda kórsetilgen qaǵıdaǵa sáıkes, turmystyq tutynýshylar úshin syrtqy aýanyń naqty temperatýrasyn eskere otyryp, jylýmen jabdyqtaý qyzmetiniń qunyn qaıta esepteýge qatysty jumystar júrgizýde.

Osylaısha, Aqtóbe oblysynda ótken jylytý kezeńinde syrtqy aýanyń naqty temperatýrasy joǵary bolýyna baılanysty, esepteý aspaby joq tutynýshylar úshin jylý energııasynyń tólemi 2019/2020 jylǵy jylytý kezeńine 11 sýbekti boıynsha jalpy somasy 50 624 686 teńgege (QQS qosqanda) qaıta esepteldi.

Onyń ishinde bazalyq tabıǵı monopolııa sýbektisi «Aqtobe su-energy group» AQ boıynsha 40 369 868 teńge (QQS qosqanda) qaıta esepteledi.